E ardhmja e sulmuesit anglez Marcus Rashford në Barcelonë është në dyshim, pasi klubi katalanas pritet të mos aktivizojë opsionin prej 30 milionë eurosh për blerjen e tij të përhershme këtë verë. Arritja e Anthony Gordon në skuadër ka ndryshuar prioritetet e Barcelonës në merkato, duke e shtyrë Rashfordin më poshtë në listën e objektivave. Megjithatë, drejtuesit e klubit nuk e kanë përjashtuar mundësinë e një huazimi të ri, nëse kushtet financiare do të jenë të favorshme për të dyja palët. Nga ana e tij, Rashford dëshiron të qëndrojë në Spanjë dhe e sheh Barcelonën si destinacion ideal, por me opsionin që pritet të skadojë dhe planet e reja të klubit, e ardhmja e tij mbetet e hapur dhe ai do të duhet të presë zhvillimet e merkatos për të mësuar se ku do të luajë sezonin e ardhshëm.