E ardhmja e mesfushorit spanjoll Rodri mbetet e paqartë ndërsa ai shqyrton ofertën për rinovimin e kontratës me Manchester Cityn. Klubi anglez i ka ofruar një kontratë të re dhe të rëndësishme financiare 30-vjeçarit, duke shpresuar ta mbajë në skuadër, ndërkohë që Rodri ka edhe dëshirën e kahershme për të luajtur te Real Madridi. Megjithatë, për momentin nuk ka lëvizje konkrete nga ana e "Los Blancos", pasi presidenti Florentino Perez nuk është i bindur për ta ndjekur këtë transferim. Vendimi final i takon vetë lojtarit, i cili duhet të zgjedhë mes vazhdimit të karrierës në Ligën Premier ose realizimit të ëndrrës për të veshur fanellën e Real Madridit.