Real Madridi do të rifillojë negociatat për rinovimin e kontratës së Vinicius Junior pas përfundimit të Kupës së Botës 2026, pasi marrëveshja aktuale skadon vitin e ardhshëm. Deri tani, bisedimet janë bllokuar për shkak të kërkesave të larta financiare të lojtarit, të cilat klubi madrilen nuk është i gatshëm t’i plotësojë në këto kushte. Nëse nuk arrihet një marrëveshje, Real Madridi nuk përjashton mundësinë e shitjes së sulmuesit brazilian, duke u përpjekur të shmangë humbjen e tij si lojtar i lirë. Vinicius Junior, i cili po shkëlqen në Kupën e Botës me dy gola dhe një asistim në dy ndeshjet e para, nuk ka dhënë ende një përgjigje përfundimtare për rinovimin, duke lënë të hapura disa skenarë për të ardhmen e tij.