Saga e rinovimit të kontratës së Vinicius Junior me Real Madridin po hyn në një fazë vendimtare, me bisedime të planifikuara për t’u zhvilluar në ditët e fundit të korrikut. Agjentët e sulmuesit dhe drejtuesit e klubit synojnë të arrijnë një marrëveshje për vazhdimin e bashkëpunimit, pasi kontrata aktuale e 25-vjeçarit ka hyrë në vitin e fundit dhe ai mund të negociojë me klube të tjera nga janari. Pengesa kryesore mbetet diferenca financiare, me kërkesën e Vinicius për një pagë prej 30 milionë eurosh në sezon dhe një bonus rinovimi, ndërsa oferta e Real Madridit është rreth 20 milionë euro. Presidenti Florentino Perez e konsideron Viniciusin një nga shtyllat kryesore të projektit afatgjatë dhe ekziston optimizëm se braziliani do të vazhdojë të jetë pjesë e klubit, madje edhe si kapiten i dytë nën drejtimin e trajnerit Zhoze Murinjos.