Mesfushori brazilian Ederson ka vendosur të mos e vazhdojë kontratën me Atalantan, pavarësisht se marrëveshja aktuale skadon në verën e vitit 2027. Atletico Madrid ishte afër arritjes së një marrëveshjeje verbale me lojtarin, por u tërhoq nga gara për shkak të kërkesës së lartë prej 45 milionë eurosh nga Atalanta për kartonin e tij. Në këtë situatë, Manchester United ka intensifikuar kontaktet dhe po përpiqet të përfitojë nga kjo mundësi, duke u shfaqur si favorit për transferimin e brazilianit. Bisedimet e fundit tregojnë se anglezët janë gati të bëjnë një kundërsulm për të siguruar shërbimet e Edersonit në afatin veror.