Edon Zhegrova ka bërë të qartë se nuk dëshiron të largohet nga Juventusi në verë, pavarësisht interesimit të klubeve si Beshiktashi dhe Evertoni. Ylli kosovar preferon të qëndrojë te skuadra italiane dhe të luftojë për një vend titullari në ekipin e trajnerit Luciano Spalletti. Ai ka kërkuar nga përfaqësuesit e tij që të mos marrin parasysh ofertat e tjera dhe është i bindur se mund të dëshmojë vlerat e tij në sezonin e ardhshëm. Juventusi ende nuk ka marrë një vendim për të ardhmen e Zhegrovës, i cili ka kontratë deri në vitin 2030 dhe këtë sezon ka luajtur vetëm 447 minuta në 21 paraqitje.