Edon Zhegrova do të vazhdojë të jetë pjesë e Juventusit edhe për sezonin e ardhshëm, duke marrë një mundësi të re nga trajneri Luciano Spalletti për të dëshmuar vlerat e tij. Pas një sezoni të vështirë, ku u përball me lëndime dhe minuta të pakta në fushë, sulmuesi kosovar nuk arriti të shënojë apo të asistojë, duke luajtur kryesisht si zëvendësues. Vendimi për ta mbajtur Zhegrovën në skuadër është ndikuar edhe nga dëshira e mesfushorit argjentinas Nico Gonzalez për t’u larguar nga klubi, gjë që hap hapësira për lojtarin kosovar. Gjatë verës, Zhegrova ka treguar qartë dëshirën për të qëndruar në Torino dhe ka nisur përgatitjet me Juventusin, duke luajtur edhe në ndeshjen miqësore të parë të sezonit të ri.