Edon Zhegrova po përjeton një periudhë të vështirë te Juventusi, pasi nuk po gjen shumë minuta nën drejtimin e trajnerit Luciano Spalletti dhe shpesh nuk është pjesë e formacionit startues. Në media u përfol për një transferim të mundshëm të tij te Besiktasi, ku luajnë edhe bashkëkombasit Milot Rashica dhe Kristjan Asllani, por këto spekulime janë mohuar nga gazetari i njohur Fabrizio Romano. Ai ka bërë të ditur se Zhegrova është i fokusuar në përpjekjet për të qëndruar dhe për të fituar më shumë hapësira te Juventusi. Vendimi për të ardhmen e tij pritet të merret gjatë verës, duke lënë të hapur mundësinë për zhvillime të reja.