Edon Zhegrova pritet të largohet nga Juventusi gjatë merkatos së verës, pasi drejtuesit e klubit kanë vendosur të bëjnë ndryshime në repartin ofensiv pas një sezoni të zhgënjyeshëm dhe eliminimit nga Champions League. Trajneri Luciano Spalletti do të vazhdojë bashkëpunimin me klubin deri në vitin 2028, por ka marrë vendime për largimin e disa lojtarëve, përfshirë Zhegrovën dhe dyshjen Openda-David. Juventus planifikon të përforcojë skuadrën me një qendërsulmues të ri, një mesfushor që do të bashkohet me Locatellin dhe Thuram, si dhe një mbrojtës të nivelit të lartë. Gjithashtu, nuk përjashtohet mundësia e largimit të njërit prej portierëve për shkak të performancave jo të qëndrueshme gjatë sezonit.