Situata e Edon Zhegrovës te Juventusi mbetet e paqëndrueshme, pasi ai aktivizohet pak nga trajneri dhe nuk ka shënuar gola apo asistime në 20 paraqitjet e tij deri tani. Megjithatë, Zhegrova tregon aftësi dhe rrezikshmëri në situata sulmuese, duke bërë disa pasime dhe krosime vendimtare. Në verë pritet një largim i mundshëm i tij nga Juventusi, me Evertonin që është skuadra kryesore e interesuar për sulmuesin e krahut. Sipas raportimeve, Evertoni mund ta transferojë Zhegrovën për 17 milionë funte, ndërsa aktualisht klubi anglez ndodhet në pozitën e tetë në Premier League me 43 pikë.