Edon Zhegrova mund të rikthehet në futbollin francez, pasi Olympique Marseille ka shfaqur interes për shërbimet e tij. Klubi francez po planifikon ndryshime në repartin ofensiv për sezonin e ardhshëm dhe po monitoron disa opsione në treg, ku rasti i Zhegrovës konsiderohet një mundësi reale. 26-vjeçari ka eksperiencë në Ligue 1 nga periudha e tij me Lille dhe aktualisht është i kontraktuar me Juventusin deri në vitin 2030, por nuk është në planet e trajnerit Luciano Spalletti. Që nga transferimi në Itali, ai ka luajtur vetëm 374 minuta në të gjitha garat, duke shtuar spekulimet për një largim të mundshëm gjatë afatit kalimtar të verës.