Në ndeshjen e javës së 35-të në Serie A, Juventusi barazoi 1:1 ndaj Hellas Veronas, duke humbur mundësinë për të marrë tri pikë të rëndësishme në garën për zonën e Ligës së Kampionëve. Verona kaloi në epërsi në minutën e 34-të me golin e Kieron Bowie, ndërsa Dusan Vlahoviç barazoi për Juventusin në minutën e 62-të me një goditje dënimi të saktë. Edon Zhegrova u inkuadrua në minutën e 80-të dhe tregoi menjëherë ndikim, duke krijuar raste të rrezikshme për skuadrën, por goditja e tij në minutën e 90+3 përfundoi në shtyllë, duke i mohuar golin e parë në Serie A dhe fitoren Juventusit. Pas këtij rezultati, Juventusi mbetet në vendin e katërt me 65 pikë, ndërsa Verona vazhdon të jetë në zonën e rënies me 20 pikë.