Sulmuesi i Kosovës, Edon Zhegrova, pritet të nisë nga minuta e parë në ndeshjen jetike kundër Sllovakisë, që zhvillohet të enjten në orën 21:00. Gazeta italiane “Tuttosport” ka analizuar rëndësinë e tij për ekipin, duke theksuar se kualiteti i anësorit mund të bëjë dallimin në këtë përballje “bëjë ose vdis”. Gjithashtu, trajneri i Juventusit, Spalletti, i cili është admirues i Zhegrovas, po e ndjek me vëmendje paraqitjen e tij në kombëtare, pasi kjo mund të ndikojë edhe në të ardhmen e tij te klubi italian. Kosova synon të sigurojë një vend në finalen e play-offit të Kupës së Botës, duke u mbështetur në lojtarë kyç si Zhegrova.