Edon Zhegrova ka dhënë një sinjal të fortë për trajnerin Luciano Spalletti dhe stafin teknik të Juventusit duke u paraqitur në qendrën stërvitore “Continassa” në një ditë pushimi të ekipit. Ai ka zhvilluar një program individual stërvitjeje me trajnerët e përgatitjes fizike, duke treguar vendosmërinë për të përmirësuar gjendjen e tij fizike dhe për të qenë në formën më të mirë për sfidat e ardhshme. Zhegrova nuk u aktivizua në ndeshjen e fundit të Juventusit kundër Pisas, megjithëse ka pasur paraqitje të shkëlqyera më parë, si ndaj Romës. Futbollisti kosovar synon të fitojë më shumë minuta loje dhe shpreson që trajneri t’i japë vazhdimësi në ekip në ndeshjen e radhës kundër Udineses.