Edon Zhegrova do të vazhdojë të jetë pjesë e Juventusit, duke refuzuar ofertat për huazim nga Lazio dhe Al-Ittihadi. Futbollisti i Kosovës ka kontratë me klubin italian deri në verën e vitit 2030 dhe dëshiron të luftojë për më shumë minuta në fushë, duke bindur trajnerin Luciano Spalletti për vlerat e tij. Sezoni i parë i Zhegrovës në Torino nuk ka qenë i lehtë, pasi ai ka pasur minutazh të kufizuar dhe probleme fizike, me vetëm një paraqitje si titullar në 28 ndeshje. Ai u transferua verën e kaluar nga Lille për 15 milionë euro dhe tani synon të fitojë besimin e stafit teknik për sezonin e ri.