Klubi i Ballkanit ka zyrtarizuar rikthimin e mesfushorit të njohur Edvin Kuç, i cili pas dy vitesh në Azerbajxhan, rikthehet në futbollin kosovar. Kuç, ish-kapiten i skuadrës dhe pjesë e gjeneratës së artë të trajnerit Ilir Daja, ka fituar me Ballkanin tre tituj kampion, Superkupën dhe ka luajtur në fazën e grupeve të Conference League. Lajmi u bë i ditur nga Ballkani përmes një videoje në faqen zyrtare dhe një njoftimi që përshëndet kthimin e tij në "shtëpi". 32-vjeçari vjen si lojtar i lirë pas periudhës së tij te Neftchi i Azerbajxhanit, ku ishte transferuar pas suksesit të tij në Ballkani.