Egnatia do të luajë mbrëmjen e së mërkurës ndeshjen e kthimit të raundit të parë kualifikues të UEFA Champions League kundër kampionëve të Moldavisë, Petrocub, në “Arena Egnatia” në Rrogozhinë. Pas barazimit 1-1 në ndeshjen e parë në Moldavi, ku skuadra shqiptare tregoi karakter duke barazuar që në minutën e parë dhe duke luajtur pjesën e dytë me një lojtar më pak, gjithçka mbetet e hapur për kualifikimin. Bastoret favorizojnë Egnatinë me koeficient 1.73 për fitore, ndërsa një sukses do t’i siguronte përballjen me kampionët e Sllovenisë, Celje, në raundin e dytë. Kjo sfidë është një mundësi e rëndësishme për Egnatinë dhe futbollin shqiptar për të avancuar në kompeticionin më prestigjioz europian për klube.