Kampionia shqiptare në futboll, Egnatia, rikthehet në fushën e saj për të zhvilluar ndeshjen e parë të play-offit kualifikues të Ligës së Evropës kundër ekipit norvegjez, Lillestrom. Pas një fitoreje spektakolare 5-1 ndaj Shamrock Rovers, që përmbysi humbjen e ndeshjes së parë, skuadra nga Rrogozhina vjen me moral të lartë dhe synim për të vazhduar rrugëtimin në kompeticionin evropian. Ndeshja zhvillohet në stadiumin “Arena Egnatia” dhe është pjesë e tri përballjeve që ekipet shqiptare luajnë këtë mbrëmje në Evropë. Egnatia tashmë ka siguruar pjesëmarrjen në fazën e ligës së Ligës së Konferencës, por synon të bëjë një hap të rëndësishëm në Ligën e Evropës dhe të shkruajë një tjetër faqe historike për klubin.