Ylber Ramadani, mesfushori i Kombëtares së Shqipërisë dhe i ekipit italian Lecce, ka tërhequr interesin e disa skuadrave të mëdha evropiane pas paraqitjeve të tij të mira këtë sezon. Eintracht Frankfurt, klubi gjerman që garon në Bundesligë, është skuadra më e fundit që ka shfaqur interes për transferimin e tij dhe po monitoron situatën me kujdes. Krahas Frankfurtit, edhe Torino nga Serie A ka shprehur dëshirën për ta transferuar mesfushorin 30-vjeçar, i cili është një nga lojtarët kryesorë të Lecces dhe konsiderohet një nga mesfushorët defensivë më të mirë në kampionatin italian. Ramadani ka kontratë me Leccen deri në vitin e ardhshëm dhe vlera e tij në tregun e transferimeve është rreth 3 milionë euro, ndërsa këtë sezon ka luajtur 32 ndeshje në Serie A me një asistim.