Klubi i Egnatias po vazhdon me një valë largimesh të rëndësishme, duke përfshirë edhe sulmuesin e huaj Mohammed Yahaya. 21-vjeçari nga Gana, i cili iu bashkua ekipit në verën e vitit 2024, ka luajtur 23 ndeshje dhe ka shënuar 3 gola gjatë sezonit të fundit, por nuk arriti të bëjë diferencën në sulm. Egnatia falenderon Yahayan për përkushtimin dhe kontributin e tij, duke theksuar se ai do të mbetet pjesë e historisë së klubit, ku fitoi 2 kampionate dhe 1 Superkupë. Ky largim vjen pas atyre të Buriç dhe Poçi, duke sinjalizuar një periudhë ndryshimesh të mëdha në skuadrën rrogozhinase.