Elliot Anderson, mesfushori i talentuar anglez, është zyrtarizuar si lojtar i Manchester Cityt me një kontratë pesëvjeçare që do ta mbajë te klubi deri në vitin 2031. Anderson u transferua nga Nottingham Forest për një shumë prej rreth 134-135 milionë eurosh, duke u bërë një nga transferimet më të shtrenjta në historinë e futbollit anglez. 23-vjeçari ka treguar performanca të shkëlqyera në dy sezonet e fundit, duke ndihmuar Nottinghamin të kualifikohet në Evropë pas 30 vitesh dhe duke fituar vendin e tij në Kombëtaren e Anglisë. Ai njihet për energjinë, intensitetin në duele dhe aftësinë për të ndërtuar lojën, duke u konsideruar një mesfushor i kompletuar “box-to-box” që i përshtatet stilit të Manchester Cityt.