Elvis Rexhbeçaj, mesfushori i Kombëtares së Kosovës dhe aktualisht lojtar i FC Augsburg, është shumë pranë një transferimi te VfL Wolfsburg gjatë verës së këtij viti. Kontrata e tij me Augsburgun po përfundon dhe largimi i tij konsiderohet shumë i mundshëm, ndërsa Wolfsburg është favorit në garën për shërbimet e tij përballë skuadrave të tjera si Union Berlini, Borussia Monchengladbach dhe Werder Bremen. Rexhbeçaj ka një lidhje të veçantë me Wolfsburgun, pasi është rritur në akademinë e këtij klubi dhe ka debutuar me ekipin e parë para se të vazhdonte karrierën në skuadra të tjera të Bundesligës. Ai është i gatshëm të rikthehet edhe nëse Wolfsburgu do të luajë në kategorinë e dytë sezonin e ardhshëm, duke u bërë një nga figurat kyçe të projektit të ri të klubit.