Mesfushori i Kosovës, Elvis Rexhbeçaj, do të ndryshojë skuadër këtë verë duke u larguar nga Augsburgu dhe duke iu bashkuar Wolfsburgut si lojtar i lirë. Lajmin e largimit të tij nga Augsburgu e konfirmoi trajneri Manuel Baum, i cili theksoi se Rexhbeçaj do të transferohet te një klub tjetër, pavarësisht sfidave që skuadra e tij aktuale mund të ketë në elitën gjermane. Rexhbeçaj pritet të nënshkruajë një kontratë deri në vitin 2030 me Wolfsburgun, skuadër ku ai u rrit si futbollist dhe ku ka luajtur më parë deri në vitin 2020. Gjatë karrierës së tij, ai ka pasur paraqitje të rëndësishme në Bundesliga dhe përfaqëson Kosovën me 16 ndeshje dhe dy gola.