Enis Çokaj, mesfushori i Kombëtares shqiptare, është pranë një transferimi në Gjermani, ku klubi i Bundesligës 2, Bokumi, ka shfaqur interes për të. Aktualisht i huazuar te Levadiakos, Çokaj është nën kontratë me Panathinaikos deri në fund të sezonit dhe pritet të nisë kështu eksperiencën e tij të parë në futbollin gjerman. I lindur në Koplik, ai ka kaluar nëpër disa klube si Vllaznia, Shkëndija, Lokomotiva dhe Laçi, para se të transferohej te Panathinaikos në 2022. Trajneri Silvinjo e riktheu në Kombëtare gjatë vitit të kaluar, ku mori minuta në ndeshjen miqësore ndaj Gjibraltarit.