Manchester City po konsideron transferimin e mbrojtësit të djathtë të Chelseat, Malo Gusto, në kuadër të përforcimeve për sezonin 2026/27. Trajneri i ri i Cityt, Enzo Maresca, i cili pritet të zëvendësojë Pep Guardiolën, dëshiron të ribashkohet me futbollistin francez, me të cilin ka punuar më parë te Chelsea. Chelsea është i gatshëm të dëgjojë oferta mbi 40 milionë funte për 23-vjeçarin, i cili ka edhe katër vite kontratë dhe ka qenë pjesë e skuadrës që fitoi Ligën e Konferencës dhe Kupën e Botës për Klube. Aktualisht, Gusto është aktiv me kombëtaren e Francës në Kupën e Botës në Amerikën e Veriut, ndërsa Manchester City ka në dispozicion Matheus Nunes dhe Rico Lewis si alternativa në krahun e djathtë të mbrojtjes.