Erblin Osmani, talenti i ri i futbollit nga Kosova, ka nënshkruar një zgjatje të parakohshme të kontratës me Bayern Munichun, duke u lidhur me klubin bavarez për një periudhë të gjatë. Ai debutoi në elitën e futbollit gjerman në sezonin 2025/26 si 16-vjeçar dhe ka kaluar me sukses nëpër të gjitha grupmoshat e akademisë së Bayernit, duke fituar besimin e trajnerit dhe drejtuesve të klubit. Drejtori i akademisë, Jochen Sauer, e ka vlerësuar Osmanin si një talent të rritur në Mynih me perspektivë të ndritur, ndërsa mesfushori pritet të vazhdojë zhvillimin e tij me ekipin U19 gjatë sezonit të ardhshëm. Osmani shprehu mirënjohjen ndaj familjes dhe agjencisë së tij për përkrahjen e vazhdueshme dhe është i gatshëm të japë më të mirën në sfidat që e presin.