Erblin Osmani, talenti 17-vjeçar i Bayern Munich, ka marrë pasaportën e Kosovës dhe është në pritje të një vendimi të rëndësishëm për të ardhmen e tij në futboll. Gazeta gjermane BILD thekson se Osmani konsiderohet një nga talentet më premtuese të grupmoshës së vitit 2009 në Gjermani, ku ka debutuar edhe me ekipin e parë të Bayernit nën drejtimin e trajnerit Vincent Kompany. Megjithatë, as lojtari dhe as menaxhmenti i tij nuk kanë dhënë ende një përgjigje zyrtare nëse do të luajë për Kosovën, vendin e origjinës së prindërve të tij, apo do të vazhdojë karrierën në përfaqësuesen gjermane. Vendimi final pritet të merret pas një ftesë zyrtare nga Federata e Futbollit të Kosovës, duke e vënë Osmanin përballë një zgjedhjeje që mund të ndikojë ndjeshëm në rrugëtimin e tij profesional dhe në lidhjen me tifozët.