Sulmuesi i krahut nga Kosova, Ermal Krasniqi, nuk do të vazhdojë aventurën e tij te Legia e Varshavës, pasi klubi polak ka vendosur të mos ushtrojë opsionin e blerjes së kartonit të tij nga Sparta Praga. Gjatë sezonit, Krasniqi nuk arriti të sigurojë një rol titullari, duke u përdorur kryesisht si zëvendësues dhe duke shënuar 2 gola dhe 2 asistime në 24 paraqitje. Pas përfundimit të huazimit, ai teorikisht duhet të kthehet te Sparta Praga, por raportimet nga Çekia tregojnë se klubi nuk e përfshin më në planet e tij afatgjata. Kjo situatë e bën të ardhmen e Krasniqit të paqartë, me mundësinë e një largimi të ri gjatë merkatos verore për të kërkuar më shumë minuta në fushë dhe rikthim të formës.