Ernest Muçi pritet të mësojë brenda pak ditësh nëse do të vazhdojë të jetë pjesë e Trabzonspor apo do të rikthehet te Besiktasi, klubi që e ka huazuar. Në ditët e fundit ka pasur paqartësi rreth aktivizimit të klauzolës së blerjes prej 8.5 milionë eurosh nga Trabzonspor, por presidenti i klubit, Ertugrul Dogan, ka dhënë sinjale pozitive në një intervistë për “A Spor”. Ai ka theksuar se vendimi përfundimtar do të merret nga trajneri Fatih Feke, i cili është i orientuar pozitivisht ndaj qëndrimit të Muçit në klub. Futbollisti ka firmosur një marrëveshje paraprake që në verën e kaluar, sipas së cilës nëse transferimi bëhet zyrtar në 2026, kontrata e tij do të zgjasë deri në verën e vitit 2029.