Ernest Muçi ka qenë një nga lojtarët më të spikatur të Trabzonspor këtë sezon, duke u bërë një element kyç i ekipit. Megjithatë, e ardhmja e tij mbetet e paqartë pasi kartoni i tij i përket Besiktasit, që kërkon 8.5 milionë euro për transferimin përfundimtar. Pas ndeshjes mes Trabzonspor dhe Besiktasit, ku Muçi shënoi gol, ishte parashikuar një takim mes presidentëve të dy klubeve për të vendosur për fatin e sulmuesit, por afati për vendimin përfundimtar është shtyrë nga 10 maji në 20 maj. Trajneri i Trabzonspor, Fatih Tekke, ka deklaruar publikisht se dëshiron të mbajë Muçin në ekip dhe shpreson që negociatat të përfundojnë me sukses.