Ernest Muçi, sulmuesi i Kombëtares shqiptare dhe ylli i Trabzonsporit, humbi fillimin e sezonit për shkak të një dëmtimi të pësuar pak ditë para nisjes së kampionatit turk. Fillimisht, u parashikua që ai të mungonte 2-3 javë, por rikuperimi i tij po ecën më shpejt se pritej. Muçi nuk do të jetë në dispozicion për ndeshjen e play-offit të Ligës së Europës ndaj Ferencvaroshit, por pritet të rikthehet për ndeshjen e kampionatit kundër Bashakshehirit këtë fundjavë. Nëse nuk do të luajë nga minuta e parë, ai do të jetë në stol si alternativë për trajnerin Teke, duke sjellë shpresë për tifozët dhe skuadrën.