Trabzonspor arriti një fitore bindëse 3-1 ndaj Karagumruk në kampionatin turk, ku sulmuesi shqiptar Ernest Muçi ishte ndër lojtarët më të spikatur në fushë. Megjithëse 24-vjeçari nuk shënoi gol, ai u dallua për kreativitetin dhe lëvizjet e tij teknike që krijuan hapësira për shokët e skuadrës. Klubi i Trabzonsporit publikoi në rrjetet sociale një video ku Muçi, pas një vrapimi me topin, realizon një aksion të bukur që la të shtangur kundërshtarët dhe mori mijëra pëlqime nga tifozët. Performanca e tij e jashtëzakonshme gjatë këtij sezoni ka fituar vlerësime të shumta, duke e bërë atë një nga lojtarët më të rëndësishëm të skuadrës dhe Kombëtares shqiptare.