FC Malisheva ka zyrtarizuar largimin e futbollistit të tyre të talentuar, Etnik Brruti, i cili pas përfundimit të kontratës me klubin, do t’i bashkohet gjigantit kroat, Hajduk Split. Brruti është një produkt i akademisë së Malishevës, ku u rrit dhe u zhvillua si lojtar, duke dhënë kontribut të rëndësishëm gjatë tri viteve e gjysmë në ekipin e parë. Klubi malishevas e konsideron atë si një nga legjendat e tyre dhe shpreh krenari për arritjen e tij, duke theksuar se ky transferim dëshmon se FC Malisheva mbetet një adresë e rëndësishme për zhvillimin e talenteve të rinj në Kosovë. Në njoftimin zyrtar, klubi i uron Brrutit fat dhe suksese në karrierën e tij të re në futbollin evropian.