Evertoni po përpiqet të sigurojë shërbimet e sulmuesit të krahut, Edon Zhegrovës, në fund të këtij sezoni. Klubi anglez e sheh lojtarin 26-vjeçar si një përforcim të rëndësishëm për sulmin dhe po përgatit një ofertë për Juventusin, i cili është i gatshëm ta shesë Zhegrovën. Edon Zhegrova ka pasur paraqitje të limituara te Juventusi që nga transferimi nga Lille, duke qenë startues vetëm në një ndeshje, por javët e fundit ka treguar formë më të mirë. Ai ka luajtur 20 ndeshje në të gjitha garat për Juventusin, me një kontratë që zgjat deri në vitin 2030 dhe një çmim transferimi prej rreth 20 milionë eurosh.