Fabrizio Romano, gazetari i njohur për frazën ikonike “Here We Go!” në ndjekjen e merkatos së futbollit, ka paralajmëruar një ndryshim të madh në qasjen e tij ndaj industrisë së transferimeve. Ai ka deklaruar se nuk do të vazhdojë për shumë gjatë në mënyrën aktuale dhe se është koha për të sjellë një mënyrë të re, më cilësore dhe me më shumë histori nga prapaskenat e futbollit. Romano ka theksuar se ky ndryshim do të ndodhë pas përfundimit të merkatos së verës, duke lënë të hapur mundësinë e një transformimi në mënyrën se si transmetohen lajmet e merkatos. Kjo deklaratë ka befasuar tifozët dhe mund të ndikojë në mënyrën se si ndiqen dhe perceptohen transferimet në të ardhmen.