Fanella e veshur nga Pele në finalen e Kupës së Botës 1958, kur braziliani ishte vetëm 17 vjeç dhe ndihmoi Brazilin të fitonte ndaj Suedisë me 5-2, është shitur në ankand për 4.9 milionë dollarë. Ky objekt i rrallë sportiv u bë fanella e dytë më e shtrenjtë e historisë së futbollit, duke marrë 10 oferta nga më shumë se pesë blerës të ndryshëm në ankandin e organizuar nga Sotheby’s në Nju Jork. Vlera e fanellës është rritur ndjeshëm që nga shitja e saj e mëparshme në vitin 2004, kur u shiti për vetëm rreth 105 mijë dollarë. Ekspertët e Sotheby’s theksojnë se kjo fanellë përfaqëson një moment kyç në historinë e futbollit dhe trashëgiminë e Peles si një ikonë globale të sportit, ndërsa fanella e vetme që e tejkalon në vlerë është ajo e Diego Maradonës nga Botërori 1986, e njohur për golin "Dora e Zotit".