Federata e Para Boccia e Kosovës ka nënshkruar një memorandum bashkëpunimi me Ministrinë e Sportit dhe Rinisë për vitin 2026, duke siguruar mbështetje institucionale për zhvillimin e këtij sporti në vend. Kjo mbështetje pritet të krijojë kushte më të mira për sportistët dhe të rrisë numrin e garave vendore dhe ndërkombëtare ku do të përfaqësohet Kosova. Federata thekson se qëllimi kryesor mbetet avancimi i boccias dhe arritja e sukseseve që do të ngrenë emrin e Kosovës në arenën ndërkombëtare. Gjithashtu, falenderohet Komiteti Paralimpik i Kosovës për rolin e tij në promovimin dhe mbështetjen e këtij sporti gjatë dy viteve të fundit.