Federata e Hendbollit e Kosovës ka filluar implementimin e projektit Master Plan, i cili ka për qëllim rritjen e numrit të fëmijëve dhe të rinjve që merren me hendboll. Lipjani është qyteti i parë ku ka nisur zbatimi i këtij plani, duke përfshirë gjashtë shkolla në fazën fillestare. Projekti është fituar nga Federata Evropiane e Hendbollit dhe përbën një pjesë kyçe të strategjisë zhvillimore të Federatës së Hendbollit të Kosovës. Synimi është zgjerimi i pjesëmarrjes në shkolla dhe komuna të tjera në të gjithë vendin, duke nxitur zhvillimin e sportit në nivel lokal dhe kombëtar.