Ish-trajneri gjerman Felix Magath, i cili ishte afër marrjes së drejtimit të Kombëtares së Kosovës, ka dhënë mendimin e tij për trajnerin e ardhshëm të Real Madridit. Ai beson se Jurgen Klopp, ish-trajneri i Liverpoolit, është njeriu i duhur për të marrë drejtimin e skuadrës spanjolle, duke theksuar aftësinë e tij për të menaxhuar lojtarët me ndikim dhe për të kontrolluar dhomën e zhveshjes. Magath ka folur me superlativa edhe për legjendën e Real Madridit, Raul, duke vlerësuar potencialin e tij si trajner në të ardhmen. Sipas tij, Raul e kupton shumë mirë futbollin dhe do të bëhet një trajner fantastik.