Mason Greenwood është shumë pranë transferimit te Fenerbahçe, pasi klubi turk ka arritur marrëveshje përfundimtare me Olympique Marseillen dhe lojtarin për kushtet personale. Pavarësisht interesimit të Romës dhe Atlético Madrid, që u përpoqën në minutat e fundit, Greenwood ka zgjedhur ofertën e Fenerbahçes, e cila i ofron një pagë shumë më të lartë, deri në 9 milionë euro në sezon. Vlera e marrëveshjes raportohet të jetë rreth 40-45 milionë euro plus bonuse, me Manchester Unitedin dhe Getafen që do të përfitojnë përqindje nga fitimi i shitjes së sulmuesit. Ky transferim pritet të jetë një nga më të shtrenjtët në historinë e Fenerbahçes dhe një përforcim i rëndësishëm për repartin ofensiv të klubit turk para sezonit të ri.