Vedat Muriqi po kalon një formë të mirë te Mallorca, ku ka shënuar 16 gola, por skuadra spanjolle po përballet me rrezikun e rënies nga La Liga, pasi ndodhet në vendin e 18-të në tabelë. Mediat turke raportojnë se Fenerbahçe po monitoron me kujdes situatën e sulmuesit kosovar dhe është e gatshme ta rikthejë atë nëse Mallorca bie në kategorinë e dytë. Në rast se Mallorca mbetet në La Liga, klubi turk do të përpiqet të shfrytëzojë dëshirën e Muriqit për t’u kthyer në Stamboll për të siguruar shërbimet e tij. Fenerbahçe kishte tentuar ta transferojë Muriqin edhe në afatin kalimtar të janarit, por Mallorca kishte refuzuar ta lirojë, ndërsa sulmuesi kishte luajtur më parë për këtë klub në sezonin 2019/2020, duke shënuar 15 gola dhe dhënë pesë asistime në 32 ndeshje.