Klubi turk Fenerbahçe ka nisur përgatitjet për sezonin e ardhshëm dhe synon të përforcojë repartin sulmues me futbollistin kosovar Fisnik Asllani, i cili aktualisht luan te Hoffenheim në Bundesligë. Drejtuesit e klubit nga Stambolli po përgatitin një operacion të madh në merkato për të siguruar shërbimet e 23-vjeçarit, i cili ka shfaqur formë të mirë këtë sezon me 9 gola dhe 8 asistime në 26 paraqitje. Megjithatë, gara për Asllanin pritet të jetë e fortë, pasi edhe klubi anglez Chelsea po e ndjek nga afër futbollistin dhe zhvillimin e tij. Fisnik Asllani është një sulmues modern me potencial të madh dhe kontratë me Hoffenheim deri në vitin 2029, ndërsa vlera e tij në treg është rreth 30 milionë euro.