Fenerbahçe ka bërë një hap të fuqishëm për të transferuar Mohamed Salah, duke i ofruar sulmuesit egjiptian një kontratë trevjeçare me pagë neto prej 20 milionë euro në sezon. Kjo ofertë do ta bënte Salahun një nga futbollistët më të paguar në Evropë, me vlerë totale prej rreth 60 milionë euro për tre vite. Klubi turk ka nisur bisedimet me përfaqësuesit e lojtarit dhe e sheh atë si figurën kryesore të projektit të ri sportiv, ndërsa Salah po shqyrton oferta të ndryshme, duke preferuar të qëndrojë në futbollin evropian. E ardhmja e tij mbetet e pasigurt, por oferta e Fenerbahçes pritet të jetë një nga më të diskutuarat në afatin kalimtar të verës.