Feronikeli 74 nga Drenasi, skuadra që sapo u rikthye në elitën e futbollit të Kosovës, ka njoftuar largimin e 14 futbollistëve me marrëveshje të dyanshme. Mes lojtarëve që u ndanë me klubin janë emra si Arbios Thaqi, Arion Ymeri, Muhamed Llapashtica dhe Samir Sadriu, ndër të tjerë. Klubi falënderoi futbollistët për profesionalizmin dhe përkushtimin gjatë kohës së bashkëpunimit dhe theksoi se dyert do të mbeten të hapura për ta në të ardhmen. Feronikeli synon të përforcohet me elementë të rinj për të krijuar një skuadër më të kompletuar dhe konkurruese në sezonin e ri.