Feronikeli 74 ka siguruar rikthimin në elitën e futbollit kosovar pas një sezoni në Ligën e Parë. Në ndeshjen e fundit të sezonit, skuadra nga Drenasi mposhti Ramiz Sadikun në Prishtinë me rezultat 2:0, duke vulosur suksesin e tyre. Golat u shënuan nga Kreshnik Bahtiri në minutën e 20-të dhe Avni Selmani në minutën e 80-të, që i dhanë epërsinë dhe fitoren e madhe skuadrës. Me këtë fitore, Feronikeli 74 përfundoi në vendin e dytë me 74 pikë, ndërsa Ramiz Sadiku mbylli sezonin në pozitën e shtatë me 50 pikë. Pas rënies nga Superliga në sezonin 2024/25, Feronikeli 74 rikthehet fuqishëm në elitë nën drejtimin e trajnerit Granit Begolli.