Federata e Futbollit e Kosovës ka publikuar video nga festa e jashtëzakonshme e lojtarëve pas fitores historike kundër Sllovakisë, që i çon ata në finale. Në pamjet e publikuara shihen lojtarët duke festuar me tifozët, ku nuk mungon flamuri kombëtar “Kuq e Zi”, duke theksuar krenarinë dhe bashkimin e tyre. Festimet vazhduan edhe në zhveshtore, ku futbollistët këndojnë e vallëzojnë me gëzim, duke interpretuar këngën “Unë jam shqipe nga Kosova”. Kjo fitore dhe festa pas saj përfaqëson një moment të rëndësishëm për futbollin kosovar dhe për tifozët e vendit.