Federata e Futbollit e Kosovës (FFK) ka arritur një sukses të rëndësishëm duke marrë konfirmimin zyrtar nga UEFA për pranimin në Konventën e Trajnerëve në nivelin e diplomës UEFA Fitness B. Ky hap vjen pas përfundimit me sukses të kursit të parë për UEFA Fitness C dhe vlerësimit pozitiv nga paneli i UEFA-s. Me këtë vendim, FFK ka të drejtë të organizojë dhe të lëshojë diploma dhe licenca UEFA Fitness B, duke harmonizuar programet e saj me standardet evropiane. Ky sukses përfaqëson një avancim të rëndësishëm në edukimin e trajnerëve dhe rritjen e kapaciteteve profesionale në futbollin kosovar.