Federata e Futbollit e Kosovës ka njoftuar organizimin e një kampi seleksionues për futbollistët dhe futbollistet e reja nga diaspora, me qëllim identifikimin e talenteve për ekipet kombëtare. Kampet do të zhvillohen gjatë muajve korrik dhe gusht për grupmosha të ndryshme, duke përfshirë djemtë U15, U16, U17 dhe vajzat U17 dhe U19. Të interesuarit duhet të dërgojnë aplikimet deri më 20 qershor 2026, duke përfshirë të dhënat personale dhe specifikimin e muajit të pjesëmarrjes për grupmoshat U16 dhe U17. FFK i fton të gjithë talentët nga diaspora të shfrytëzojnë këtë mundësi për t’u bërë pjesë e Kombëtares së Kosovës.