Në episodin më të fundit të podcastit “Arena e Yjeve”, ish-trajneri i basketbollit dhe aktualisht U.D. drejtor ekzekutiv i Agjencisë për Sport, Fidan Shatri, ndau përvojat e tij në sportin kosovar dhe sfidat që ka përballuar gjatë karrierës. Ai theksoi suksesin më të madh të tij si trajner, pjesëmarrjen në Euro Cup në vitin 2019 me klubin e femrave të Prishtinës, një eksperiencë që e konsideron të paharrueshme për shkak të nivelit të lartë të kompeticionit. Shatri gjithashtu foli për rëndësinë e punës me grupmoshat U18 dhe U20 të Kosovës dhe bashkëpunimin mes institucioneve dhe bizneseve private, duke marrë shembull kompaninë Exfis dhe Ligjin për Sponsorizim. Në fund, ai përmendi përgatitjet për Lojërat Mesdhetare dhe ndikimin pozitiv që ky event mund të ketë për sportin dhe imazhin ndërkombëtar të Kosovës.