FIFA ka miratuar një rregull të ri që do të hyjë në fuqi nga 1 janari 2027 dhe që synon të eliminojë praktikat abuzive ndaj futbollistëve gjatë transferimeve. Ndryshimet përfshijnë detyrimin për klauzola blerjeje në kontratat profesionale dhe të drejtën e lojtarëve për të marrë një pjesë të shumës së transferimit, veçanërisht ata që fitojnë më pak se 150,000 euro në vit. Gjithashtu, lojtarët nuk do të mund të izoloheshin më nga stërvitja si formë presioni, dhe në rast abuzimi do të kenë të drejtë të largohen pa pagesë transferimi. Sindikata ndërkombëtare e futbollistëve FIFPRO përshëndeti këto masa, duke theksuar se ato do të përmirësojnë mbrojtjen e të drejtave të lojtarëve dhe do të sjellin më shumë siguri për klubet dhe futbollin modern.